Jaimito das Neves Salsinha, SH. Nudar atual Diretor Servisu Munisipal Apoiu PNDS Munisipiu Ermera, Hahu nia Estudu iha Eskola Primaria (SD-07 Fatuquero iha tinan 1991-1997-) Eskola Pre Sekundaria iha (SMP Negri 1 Gleno husi tinan 1997-2000), Eskola Sekundaria iha Eskola Jeral Nino Konis Santana Gleno husi tinan 2001-2004) Eskola Ensinu Superior remata Estudu iha Universidade PGRI Kupang iha Areia Lisensiatura Direito husi tinan 2005-2009.
Area Formasaun : Tuir formasaun iha area Comunnity Facilitation Training for Sub District Social Facilitator (SDSF) no Effective and Leadership
Introdusaun
Planu Estretéjiku Dezenvolvimentu Nasionál (2011-2030) identifika prioridades dezenvolvimentu sosiál no ekonómiku nasaun nian. Atu atinje metas planu ne’e , governu Timor-Leste dezenvolve ona programas dezentralizadu foun ne’ebe foka ba dezenvolvimentu lokál iha nível komunidade iha suku no aldeas. Planu ne’e mos presiza governu Timor-Leste atu fornese oportunidades ba sidadaun atu partisipa no envolve iha sira-nia dezenvolvimentu lokál. Aselera dezenvolvimentu infraestrutura no asesu ba atendementu públiku importante atu atinje metas dezenvolvimentu planu ne’e nian, iha tempu hanesan hamosu benefisius sosiál no ekonómiku ne’ebe sei kontribui ba dezenvolvimentu nasionál ne’ebe diak, sustentavel no justu ba ema hotu. Rezolusaun Governu númeru 1/2012, 25 Janeiru (no Diploma konjunta Ministeriál númeru 22/2012, 27 Juñu) fórmálmente aprova ona polítika atu estabelese mekanizmu nasionál ida hodi aselera dezenvolvimentu komunidade atu tulun atinje metas Planu Estretéjiku Dezenvolvimentu Nasionál. Mekanizmu ne’e ho intensaun atu hakbi’it komunidade sira liu-husi suporta sira atu determina no jere sira-nia komunidade nia nesesidades infraestrutura eskala ki’ik,
iha tempu hanesan fornese oportunidade servisu adisionál ne’ebe bele hasa’e sira-nia rendimentu familia. Iha marsu 2012 Governu Timor-Leste estabelese Komisaun Inter-Ministeriál ida (KKIM). Hafoin ne’e forma ona mos Grupu Servisu Tékniku Inter-Ministeriál (GTTIM) ne’ebe kompostu husi Diretór sira husi Ministériu ne’ebe sai membru atu lidera dezenvolvimentu Programa Nasionál Dezenvolvimentu Suku (PNDS). Estabelese ona mos Sekretariadu Nasionál ida ba PNDS iha Ministériu Administrasaun Estatál (MAE) atu fornese asisténsia tékniku no jere planeamentu programa no dezeñu fundus Suku ba komunidade ba infraestrutura no dezenvolvimentu atendementu. Sekretariadu PNDS dezenvolve Manuál Operasaun Programaida ne’e atu dezeña sistema ne’ebe presiza ba jestaun no planeamentu fundus Suku iha nível hot-hotu; governu sentrál, distritus, subdistritus, suku no komunidade. Alende manuál ida ne’e, governu ho apoiu husi doadór dezenvolve ona programa formasaun komprehensivu ida atu implementa PNDS inklui rekrutamentu ba rekurusu umanu ne’ebe treinadu no dedikadu atu servisu ho komunidade sira atu asegura implementasaun ho efetivu.
Implementasaun Programa Nasional Dezenvolvimentu Suku PNDS baze ba Dekretu Lei Numeru 04/2025, Sesta Alterasaun, ho Numeru DM 04/2025 22 de Janeiro ho nia siklu Implementasaun baze ba DL Nu. 4/2025 Sesta Alterasaun ba DL Nu. 8/2013 kona ba Programa Nasional Dezenvolvimentu Suku (PNDS), DM Nu.73/2024 Strutura Suku PNDS, DM Nu. 22/2013 republikadu ho DM Nu.66/2024 tuir deklarasaun retifikasaun Nu. 15/2024 Prosedementu Finanseiru Estrutura Suku PNDS, no DM Nu 19/2024 mak Prosedementu Identifikasaun Planeamentu no Selesaun Projetu PNDS,
Visaun PNDS : Planu Estretéjiku Dezenvolvimentu Timor-Leste nian (2011-2030) rekuñese katak aspirasaun ida husi Timor-oan atu kria nasaun forte no prósperu mak dezenvolvimentu infraestrutura ne’ebe iha kapasidade atu fornese dezenvolvimentu sosio-ekonómiku, hasa’e produtividade, no kria servisu, partikularmente iha área rurais. Ida ne’e presiza partisipasaun ativu husi Timor-oan hotu no haforsa sira-nia konfiansa iha instituisaun públiku
Misaun PNDS : Meta husi programa PNDS atu suporta vizaun tempu naruk ne’e mak “Kondisaun sosioekonómiku aumenta no governasaun lokál ba mane no feto suku nian iha Timor-Leste liu-husi infraestrutura ne’ebe jere husi komunidade.” Indikadór dezempenhu xave tuir mai sei uza atu sukat oinsa mak PNDS atinji ona ninia metas no rezultadus xave sira.
Mensajen:
Diretor Servisu Munisipal Apoiu PNDS : Jaimito das Neves Salsinha, SH, hamutuk ho Funsionariu 65 no Parseru PARTISIPA nain 4, nudar Forsa Traballu Servisu Munisipal PNDS Munisipiu Ermera hakarak hato’o Mensajen ba Nai Xefe do Suku 56, Xefe Aldeia 276, Estrutura Suku-PNDS iha Suku 56, katak Se Ita la Hahu agora, bainhira tan, mai ita servisu hamutuk, kolabora, rona malu, ho hanoin ida, tamba ita hotu mak sai Autor ba Dezenvolvimentu liu husi Programa Nasional Dezenvolvimentu Suku “PNDS”, ho lema “Hamutuk Ita Dezenvolve Nasaun”