Eng. Afonso Fernandes Ximenes, L.Arq mak profisionál iha área Engiñeru Arquitetura no dezenvolvimentu infraestrutura sustentável. Atualmente nia asume mos kargu nu’udar Diretór Servisu Munisipál Obras Públika no Transporte (SMOPT) iha Munisípiu Ermera, ho responsabilidade hodi planeia, jere no ezekuta projetu infraestrutura estratéjiku ne’ebé fó impaktu direta ba moris-di’ak populasaun nian. Ho formasaun fórmal akadémika no non-fórmal ne’ebé solidu iha esperiénsia téknika ne’ebé luan, nia lidera no halo kordenasaun ba konstrusaun, rehabilitasaun no konservasaun estrada, ponte, edifísiu públiku no mós ordenamentu ba espasu urbanu inklui halo jestaun ba transporte iha territóriu munisípiu. Nia servisu foka ba kualidade, seguransa, efisiénsia no sustentabilidade, tuir padraun tékniku no regra governamentál ne’ebé aplika. Nia koñesidu nu’udar lider tékniku ne’ebé disiplina, responsável no komprometidu ba interesu públiku ho kapasidade hodi lidera ekipa multidisiplinár no halo kordenasaun ho instituisaun governu, parseiru dezenvolvimentu no komunidade lokál sira. Kompeténsia Prinsipál • Planeamentu Estratéjiku: iha área infraestrutura no transporte; • Jestaun Obras Públika: halo supervizaun rigorózu ba kualidade infraesttrutra no asegura ezekusaun orsamentu tuir planu; • Lideransa Téknika no Kordenasaun: ho stakeholder relevante sira. Filozofia Servisu bazeia ba: 1. Inovasaun: buka solusaun foun ba problema infraestrutura; 2. Sustentabilidade: dezenvolvimentu ne’ebé respeita ambiente; 3. Prosimidade ho Komunidade: rona no envolve komunidade iha prosesu dezenvolvimentu mak xave ba susesu Servisu Munisípal Obras Públika no Transporte nian.