AUTORIDADE MUNISIPAL ERMERA
SERVISU MUNISIPÁL PLANEAMENTU DEZENVOLVIMENTU INTEGRADU MUNISIPAL nudar diresaun ida tutela ba Autoridade Munisipál ho kompeténsia no tarefa servisu sira ne’ebé artikula iha Dekretu Lei 84/2023, Kinta alterasaun hosi Dekretu Lei 3/2016 Artigu 124.º no Diploma Ministerial N.º 85 /2023 de 29 de Dezembro Artigo 19.º no 20.º
KAPÍTULU I
INTRUDUSAUN
A. Antesedénsia
Servisu Munisipal Planeamentu Integradu no Dezenvolvimentu Munisipal (SMPID) atu harmoniza implementasaun programa hirak ne’ebé hala’o hahu husi nivel Aldeia, Suku, Postu Administrativu to’o Autoridade Munisipal no enkamina ba nasional hodi hare implementasaun ba infraestrutura bazika iha setor Saude, Edukasaun, Infraestrutura Bazicas (Be’e Moos, Saneamentu no Obras Publika) no Agrikultura.
Planu Investimentu Munisipal maka lista projetu infraestrutura bazica sira nebe’e mai husi Asembleia aldeia ka tae’s inisial no konselu suku no hetan apresiasaun iha nivel asembleia postu depois submete mai Autoridade Munisipal hodi hetan aprovasaun no apresiasaun liu husi CCM Consellu Cordenasaun Munisipal no Consellu Consultativu Munisipal hafoin halo verifikasuan ba proposta prioridades.
Bazeia ba Dekretu-Lei N.o 84/2023, 23 Novembru (Alterasaun Dalima husi husi Dekretu Lei N.o 3/2016, 16 Marsu) kona ba Estatutu Administrasaun Munisipal ba Autoridade Munisipal no Grupu Tekniku Interministerial ba Desentralizasaun Administrativa no Diploma Ministerial N.o 85/2023, 29 Dezembru, kona ba Estabelesementu Servisu Munisipais ba Autoridade Munisipais no Difinisaun organizasaun no nia funsionamentu hodi deskreve tarefas servisu iha Diresaun Servisu Munisipal Planeamentu Dezenvolvimentu Integradu iha Servisu Autoridade Munisipal ho misaun ida atu asegura apoiu tekniku no administrativu ba Prezidente Autoridade Munisipal no orgaun sira seluk iha Autoridade Munisipal no estudu ba dezenvolvimentu no ezekusaun ba planu dezenvolvimentu munisipal no planu investiementu munisipal.
B. Vizaun no Misaun
1. Vizaun
Presta Servisu Ho Kualidade Iha Planu Investimentu Munisipal ba Infraestrutura Bazika iha Setor Saude,edukasaun,Agrikultura, Saneamentu no Be’e Mos
2. Misaun
a. Promove planu investimentu munisipal ne’ebé iha retornu ba estadu.
b. Promove no asegura kualidade infraestrutura bazika sira tuir padraun tekniku
c. Promove no asegura asisibildade ba ema ho difisiensia iha infraestrutura bazika sira
C. Objetivu
Garante planu investimentu munisipal ida ne’ebé sustentavel bele koresponde ba nesesidade komunidade iha Setor Saude,edukasaun,Agrikultura, Saneamentu no Be’e Mos hodi hasa’e kresementu ekonomia no kualidade moris komunidade nian.
KAPÍTULU II
ORGANOGRAMA, KOMPETENSIA NO MAPA PESSOAL
A. Organograma Diresaun Servisu Munisipal Planeamentu Dezenvolvimentu Integradu
Munisipal. (Diploma Ministerial N.º 85 /2023 de 29 de Dezembro Artigo 19.º no 20.º)
B. Kompetensia sira artikula iha Dekretu Lei 84/2023, Kinta alterasaun hosi Dekretu Lei
3/2016 Artigu 124.º no Artigu 125o ne’ebé deskreva tuir mai :
a. Artigu 124o Hateten :
1. Servisu Munisipal Planeamentu Integradu no Dezenvolvimentu elabora no aprezenta ba Prezidente Autoridade kona ba relatoriu mensal, trimestral, semestral no anual kona ba ezekusaun fizika no finanseiru planu investimentu munisipal.
2. Relatorio ne’ebé previstu iha numeru dahuluk.
a) Identifika ezekusaun projetu investimentu sira ne’ebé prevê ba tinan ida nia laran.
b) Indentifika alokasaun orsamental sira ba ezekusaun kada projetu.
c) Identifika empreza kualifikadas sira hodi partisipa iha konkursu publiku munisipal ba ajudikasaun hodi ezekuta servisu konstrusaun sira iha ambitu PDIM.
C. Mapa Pessoal Diresaun Servisu Munisipal Planeamentu Dezenvolvimentu Integradum Munisipal (PDIM).
