𝐏𝐫𝐢𝐦𝐞𝐢𝐫𝐮 𝐌𝐢𝐧𝐢𝐬𝐭𝐫𝐮 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦𝐚̃𝐨 𝐎𝐟𝐢𝐬𝐢𝐚𝐥𝐦𝐞𝐧𝐭𝐞 𝐇𝐚𝐥𝐨 𝐋𝐚𝐧𝐬𝐚𝐦𝐞𝐧𝐭𝐮 𝐅𝐚𝐭𝐮𝐤 𝐃𝐚𝐡𝐮𝐥𝐮𝐤 𝐛𝐚 𝐄𝐬𝐭𝐫𝐚𝐝𝐚 𝐔𝐫𝐛𝐚𝐧𝐚 Gleno, 𝐄𝐬𝐭𝐫𝐚𝐝𝐚 𝐆𝐥𝐞𝐧𝐨-𝐋𝐞𝐭𝐞𝐟𝐨𝐡𝐨 no Akompaña Asina Kontratu Entre Ministru Obras Públikas ho Kompañia 𝐢𝐡𝐚 Suku 𝐄𝐫𝐚𝐮𝐥𝐨, Postu Administrativu Letefoho, Munisipiu Ermera.
Segunda-Feira, 26/01/2026, Sua Exelensia Primeiru Ministru, 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦𝐚̃𝐨 𝐇𝐚𝐥𝐨 𝐋𝐚𝐧𝐬𝐚𝐦𝐞𝐧𝐭𝐮 𝐅𝐚𝐭𝐮𝐤 𝐃𝐚𝐡𝐮𝐥𝐮𝐤 𝐛𝐚 𝐄𝐬𝐭𝐫𝐚𝐝𝐚 𝐔𝐫𝐛𝐚𝐧𝐚 𝐆𝐥𝐞𝐧𝐨, 𝐄𝐬𝐭𝐫𝐚𝐝𝐚 𝐆𝐥𝐞𝐧𝐨-𝐋𝐞𝐭𝐞𝐟𝐨𝐡𝐨 no Akompaña Asina Kontratu Entre Ministru Obras Públikas ho Kompañia Manaan Nain sira mak Hanesan Kompañia Shabryca Construction Unip.Lda no China Civil Enginering Contruction Corporation (CCECC), Partisipa mos iha Eventu ne’e Membru Governu, Distintu Deputadu, PAM sira husi Dili, Manufahi, Viqueque, Kovalima, Atauro, Bobonaro Liquisa no Ermera hamutuk ho Estrutura, Pe. Vigario Foraneo, Pe. Paroku Letefoho, Administrador Postu Neen, Lideransa Lokal inklui komunidade husi Suku sira iha Munisípiu Ermera.
Iha intervensaun PAM, Sr. Josê Martinho dos Santos Soares agradese ba parte hotu ne’ebé ho esforsu maka’as hodi loron ohin 26/01/2026 assina kontratu no lansamentu ba estrada urbana no estrada Gleno-Letefoho, hanesan Autoridade Munisipál sente urgullu iha tinan ne’e Ermera simu dezenvolvimentu liu husi lansamentu fatuk dahuluk ba estrada urbana, estrada Gleno Letefoho, Humboe-Ermera inklui merkadu foun ne’ebé sei lansa iha tempu badak.
Iha fatin hanesan S.E. Primeiru Ministru Sr. Xanana Gusmão hateten, serimonia Lansamentu Fatuk Dahuluk ba estrada ne’e nu’udar promesa ne’ebé Governu promete hela katak “Esperansa La Bosok” tanba infreastrutura mk sai hanesan baze ba dezenvolvimentu hanesan estrada, bee moos, eletrisidade no seluk tan, alénde ne’e S.E. PM Sr. Xanana Gusmão husu atu Ministeriu Obras Públiku tau matan ba estrada Aiseo-Raemerhei tanba nu’udar fatin istóriku iha tempu rezistensia.
Estrada Gleno-Letefoho nu’udar projetu husi MOP ne’ebé sei responsabeliza husi Kompañia CCECC ho total Orsamentu 𝐔$. 𝟑𝟖,𝟖𝟎𝟎,𝟎𝟓𝟒.𝟎𝟎 no estrada urbana sei responsabeliza husi Kompañia Shabryca Construction Unip.Lda, distánsia estrada Letefoho kobre 30 km enkuantu Gleno 54 km.
@#𝐌𝐞́𝐝𝐢𝐚𝐀𝐌𝐄/𝐈/𝟐𝟎𝟐𝟔@#
