Ermera, 03 de Agosto de 2026
Segunda-Feira, 03/08/2026, Excia Prezidente Autoridade Munisipál, Sr. José Martinho dos Santos Soares nu’udar Inspetúr ba Serimónia Isar Bandeira Nasionál ba Semana Dahuluk Fulan Agosto Tinan 2026, ne’ebé realiza iha Resintu Autoridade Munisipál Ermera.
Excia Prezidente Autoridade Munisipál-PAM iha diskursu, husu atu funsionáriu públiku hotu tenki partesipa máximu iha Serimónia Isar Bandeira ne’ebé hala’o iha kada fulan nu’udar sentidu Patriotizmu no Nasionalizmu hodi hadomi ita nia rain, liu-liu fo hanoin atu Diretores Servisu Munisipais, Delegasaun Territorial no Liña Ministeriais hotu ne’ebé hakna’ar a’an iha Munisípiu Ermera atu hala’o servisu ho diak no responsabelidade hodi lori Poder Lokál hakbesik liu ba povu liuhusi ezekusaun ne’ebé kualidade iha setor hotu liu-liu Edukasaun, Saúde no Agrikultura.
Hanesan Superior Estadu nian ne’ebé lidera iha Munisípiu ida ne’e apela ba funsionáriu sira hotu hahu husi Munisípiu to’o Postu ne’ebé okupa rai estadu presija kontribui bainhira governu presija halo dezenvolvimentu iha Munisípiu Ermera, tanba ita hotu iha Lei nia okos presija kontribui no kolabora hodi hadia ita nia rain.
Ekipa ne’ebé responsabeliza Serimónia Isar Nasionál iha Semana dahuluk fulan Agosto tinan 2026 maihusi Servisu Agrikultura Munisípiu Ermera, Seguransa Ai-han no Guarda Floresta.
#Serimónia_Isar_Bandeira_Nasionál
#@Média AME/VIII/2026@#
