Ermera, 29 de Julho de 2026

Kuarta-Feira, 29/07/2026, Excia Prezidente Autoridade Munisipál, Sr. José Martinho dos Santos Soares partesipa iha Serimònia Halot Restos Mortais 653 husi Postu Administrativu (5) ne’ebé pertensia ba Munisípiu Ermera, iha Jardim dos Herois Fatuquero Aldeia Falimano Postu Administrativu Railaco Munisípiu Ermera.

Programa halot Restos Mortais hirak ne’e nu’udar onrá bo’ot ba Martires sira ne’ebé fo ruin no ran hodi sosa ukun rasik a’an presija tau iha fatin dignu ho ne’e Gobernu liuhusi MACLN no CCLN Ermera hamutuk ho Autoridade Munisipál no Familia Martires sira konklui ona serimónia halot Restos Mortais hamutuk 1600 enkuantu Restos Mortais ne’ebé rekolla hamutuk 5.244 maihusi militar no sivil.

Partesipa mós husi Sekretáriu Munisipál Ermera, Diretores Serbisu Munisipais, Delegasaun Territorial, Liñas Ministeriais, Administrador Postu Administrativu, PNTL, F-FDTL, Sosiedade Sivil, Funsionárius no Komunidade.

Remata serimónia komisaun organizadora tantu Nasionál nomos Munisípiu hamutuk ho funsionariu sira halo limpeza iha area Jardim dos Herois Fatuquero antes husik hela fatin refere. Alende ne’e mos, Governu hamutuk Autoridade Munisipál Ermera, Funsionáriu no familia Martir nian kontinua kari’i aifunan ba Campa idaidak iha Restus Mortais nian.

#SerimóniaHalot RestosMortais

#JardimdosHeroisFatuquero

#@MédiaAME/VII/2026@#