Excia Prezidente Autoridade Munisipál Ermera Exmo Sr. José Martinho dos Santos Soares, hamutuk Assesor Gabinete hala’o Observasaun ba Jardim de Herois Martires, Restus Mortais dan Fatuquero Postu Administrativu Railaco Munisípiu Ermera
#@Média AME/VII/2026@#
Ermera, 22 de Julho de 2026
Objetivu husi sorumutuk ho Excia PAM Ermera ne’e atu hametin liu tan relasaun parseria nian, no atu dada lia uituan konaba “Australian Volunteers”, nia impactu durante halo servisu voluntariu iha Autoridade Munisípiu Ermera. Alénde ne’e atu dada lia uituan konaba “Australian Volunteers International” balun ne’ebé remata ona sira nia servisu durante tinan ida no balun sei halo servisu voluntariu iha area remotes nian inklui mós impactu servisu ne’ebé sira hasoru durante hala’o servisu voluntariu hamutuk ho Autoridade Munisipiu Ermera.
#Enkontru_iha_Sala_PAM#@Média AME/VII/2026@#
Ermera, 21 de Julho de 2026
Tersa-Feira, 21/07/2026, Excia Prezidente Autoridade Munisipál Ermera, Sr. Jose Martinho dos Santos Soares partesipa iha Programa Diálogo da Paz ho Tema “CONSTRUÇÃO DA PAZ, CONSTRUÇÃO DO ESTADO, CONSTRUÇÃO DA NAÇÃO e CONSTRUÇÃO DO CARÁTER”, Programa ne’e realiza iha ESG Nino Konis Santana Gleno Munisípiu Ermera.
Iha PAM nia diskursu Hatete, ba dahuluk, ita agradese ba Nai Maromak tanba Nia grasa no bensaun, ne’ebé permite ita hotu halibur hamutuk iha serimónia importante ida-ne’e, nu’udar Autoridade Munisipál Ermera, Ha’u hato’o Boas-vindas no apresiasaun a’s ba Excelénsia Vise Primeiru Ministru, Sr. Mariano Assanami Sabino Lopes, Excelénsia Sekretáriu Estadu ESG-ESTV, Domingos Lopes Lemos, komisaun organizadora, professór, estudante, juventude no parte hotu ne’ebé promove diálogu ba dame liuhusi formasaun karákter.
“Dame la’ós de’it situasaun ne’ebé la iha konflitu, Dame signifika respeito malu, toleránsia, solidariedade, justisa, responsabilidade no kapasidade atu rezolve diferensa liuhusi diálogu, Tanba ne’e, formasaun karakter sai nu’udar baze importante ba hari’i sosiedade ida ne’ebé dame demokratiku, inkluzivu no respeita dignidade umana, Konstrusaun Estadu no nasaun la depende de’it ba infraestrutura ka instituisaun públika”Tenik PAM
Konstrusaun nasaun tenke hahú husi ema ida-idak nia karakter, atitude no responsabilidade, Sidadaun ne’ebé onestu, disiplinadu, tolerante no respeita lei sei fó kontribuisaun boot ba Estadu ida ne’ebé forte no justu.
“Ba estudante no foin-sa’e sira, imi mak jerasaun ne’ebé sei kontinua lori nasaun ida-ne’e ba oin, uza edukasaun hodi aumenta koñesimentu, uza diálogu hodi rezolve problema no uza imi nia kapasidade hodi serve komunidade no nasaun, labele permite violénsia, diskriminasaun, ódiu no divizaun estraga imi-nia futuru. Diferensa la’ós razaun atu fahe malu, maibé oportunidade atu aprende, respeita no hametin unidade.”PAM-Ermera.
Salienta
Ita hotu iha responsabilidade atu transforma família, eskola no komunidade sai fatin aprendizajen ba dame, Profesór sira forma koñesimentu no karakter; inan-aman sira fó ezemplu; lideransa sira promove justisa; no juventude sira tenke sai embaixadór dame iha komunidade.
Autoridade Munisipál Ermera kompromete atu kontinua apoia inisiativa sira ne’ebé promove edukasaun, formasaun karákter, diálogu, toleránsia, unidade no partisipasaun juventude iha prosesu dezenvolvimentu, ikus-liu ha’u konvida ita hotu atu hametin kompromisu: Hari’i dame hahú husi ita-nia a’an rasik, hametin unidade iha komunidade no servisu hamutuk ba konstrusaun Estadu no nasaun ida ne’ebé forte, justu no prósperu.
#@Média AME/VII/2026@#
Ermera, 20 de Julho de 2026
Prezidente Autoriedade Munisípal Ermera Excia Sr.José Martinho dos Santos Soares, Hala’o Audeñsia ho Embaixada America iha Sala Prezidente Autoridade nian
#Sala_PAM#@Média AME/VII/2026@#
Ermera, 14 Juli 2026
Tersa-Feira, 14/07/2026, Prezidente Konsellu Munisipál Em Ezersisiu, Exmo Sekretáriu Munisipál Administrasaun no Finansas, Sr. José da Costa Gomes lidera Sorumutuk Konsellu Konsultivu Munisipál-KKM ba Semester dahuluk iha tinan 2026 aumezmu tempu fó Posse ba Membru Konsellu Konsultivu Munisipál-KKM Designadu na’in 15, periodu 2026-2028, iha Salaun Autoridade Munisípiu Ermera.
Membru Designadu KKM na’in 15 kompostu husi Reprezentante Antigu Kombatente Libertasaun Nasionál, Setór Privadu, Grupu Intelektuál, Juventude, Organizasaun Promotora Igualidade Jéneru no Partidu Polítiku ne’ebé hetan Asentu iha Parlamentu Nasional, Alénde ne’e, Servisu Munisipais PDIM halo aprezentasaun kona-ba Planu Investimentu Munisipál-PIM Tinan 2027, iha mós diskusaun, Apresiasaun husi Membru KKM ho Votu Afavor (42), Kontra (0), Abstensaun (1) rezultadu passa no aprezentasaun Jestaun Rekursu Be’e Integradu husi Diretór Nacional Para a Regulação da Água e Saneamento-DNRAS, Sr. Marcolino da Costa de Jesus Babo, iha diskusaun no apresiasaun husi Membru KKM ho votu Afavor (43), Kontra (0), no Abstensaun (0) rezultadu passa.
#Sorumutuk-KKM
#SalaunAME-Gleno
#@Média AME/VII/2026@#
Ermera, 09 Juli 2026
Kinta-Feira, 09/07/2026, Excia Prezidente Autoridade Munisipál Ermera Sr.José Martinho dos Santos Soares, Partesipa iha Serimónia Lansamentu Livru ho Titúlo “VIDAS DE RESISTÊNCIA”, hakerek husi “ROSA AMARO” ne’ebé hetan Prefacio husi SE Primeiru Ministru RDTL, Sr. Kayrala Xanana Gusmâo ho nia Tema Program “A Longa Marcha Para a Independençia de Timor-Leste” Lansamentu nee halo iha Salaun Parokiál Gleno Munisípiu Ermera. Objetivu iha Lansamentu Livro ida ne’e husi Grupu 8 de Maiu, kona-ba Rezisténsia nian iha luta ba dalan Independénsia iha Vida Rezisténsia.Excia Prezidente Autoridade Munisipál Sr.José Martinho dos Santos Soares nia diskursu Hatete, Ha’u nu’udar Prezidente Autoridade Munisipál Ermera no reprezentante Autoridade Estadu iha Munisípiu Ermera, hato’o saudasões ho respeitu boot ba ita hotu ne’ebé marka Prezensa iha loron Importante ida-ne’e.”Loron ohin, ita hamutuk atu halo lansamentu ba livru “Vidas de Resistência” husi Sub-Região 7 de Dezembru Ermera – Região 4”. Inisiatif ida-ne’e importante tebes atu dokumenta, rai no hatutan istória luta, sakrifisiu, kontribuisaun no valor Resistensia Nasional ba jerasaun foun” Hatete PAM-Ermera, iha Salaun Parokial Gleno.Nu’udar Governu no Autoridade Munisipál, ha’u hato’o hakruk no homenajen ba herói, martir, Combatente no Autor Resistensia sira hotu ne’ebé fó sira nia moris, tempu no sakrifisiu ba Libertasaun Nasional. Maski balun la iha ona ita nia leet, sira nia naran, luta no kontribuisaun sei moris nafatin iha istória nasaun no iha povu Ermera nia memoria.”Iha loron ida-ne’e, ha’u mós hato’o liafuan solidariedade no laran-susar ba família enlutada sira, ba Inan-Aman faluk, Oan sira, Família kiak no ema sira ne’ebé to’o ohin loron sei moris iha susar laran tanba luta naruk ba independénsia, Ita la bele haluha katak liberdade ne’ebé ita goza ohin mai husi sira nia lágrimas, hamlaha, terus no perda boot”Nu’udar lider Estadu iha munisipiu, ha’u lori povu Ermera nia lian hodi hato’o respeitu, gratidaun no rekoñesimentu ba herói sira, família martir sira no veteranu sira ne’ebé for Fundamentu ba independenénsia Timor-Leste.Autoridade Munisipál Ermera for apresiasaun ba Sub-Região 7 de Dezembru Ermera no parte,Hotu ne’ebé organiza organiza atividade ida-ne’e.Servisu ne’e ajuda haforsa memória nasional, valoriza Veteranu/ Veterana sira, no fo hanoin ba juventude katak independensi mai husi luta, unidade no Komitmentu povu Timor-Leste.”Ha’u konvida juventude no komunidade Ermera atu aprende husi istória ida-ne’e, hodi kontinua Luta iha forma foun: luta ba edukasaun, saúde, servisu públiku di’ak, no dezenvolvimentu sustentável ba ita nia suku, postu administrativu no munisipiu.”Ikus liu, ha’u hato’o parabéns ba organizador sira, veteranu sira, família martir sira, igreja, Lideransa lokal no komunidade tomak ne’ebé apoia realizasaun atividade ida-ne’e.
#Lansamentu_Livro_VIDAS_DE_RESISTÊNCIA
#MédiaAME /VII/2026@#
Ermera, 06 de Julho de 2026
Segunda-Feira, 06/07/2026, Exmo Sekretáriu Munisipál Administrasaun no Finansas-AF, Sr. José da Costa Gomes, sai nu’udar Inspetúr iha Serimónia Isar Bandeira Nasionál ba semana dahuluk fulan Julho tinan 2026 ne’ebé realiza iha Resintu Autoridade Munisipál Ermera.
Exmo Sekretáriu Munisipál Administrasaun Finanasas, iha diskursu husu atu funsionáriu sira hotu tenki partisipa máximu iha Serimónia Isar Bandeira Nasionál ne’ebé hala’o iha Autoridade Munisipál kada fulan nu’udar dever funsionáriu públiku nian, liu-liu presiza mantein dixiplina. Husu mós atu funsionáriu hotu apoiu dirijente sira iha kna’ar fatin, tantu iha Diresaun Servisu Munisipais nomos Delegasaun Territorial hodi kontribui ba servisu Administrasaun Autoridade Munisípiu Ermera tuir kompetensia ne’ebé iha.
Ekipa Serimónia Isar Bandeira Nasionál iha loron 06 de Junho de 2026 responsabeliza husi Serviços Terras Propriedades e Serviços Cadastrais, Direção Serviços Municipal Conservatório, Registo e Notariado, Serviços Conservatório, Notariado e Cadastro no Balkaun Úniku Munisípiu Ermera.
#ResintuAutoridadeMunisípiuErmera
#IsarBandeiraNasionálJulho2026
#@Média AME/VII/2026@#
Ermera, 03 de Julho de 2026
Objetivu iha Enkontru ne’e koalia kona ba Parseria hametin dezenvolvimentu suku no administrasaun munisípiu ba apoiu infrastrutura bazika ne’ebe kualiadade no reliezente, iha nivel sub-nasional no hametin administrasaun munisípiu
@#Média AME/V/2026@#
Ermera, 02 Juli 2026
Iha sorumutuk ne’e hodi hare kona-ba dividas sira ba utilizasaun enerjia elétrika husi tinan 2020-2025, liuhusi oportunidade ne’e EDTL-EP ho Autoridade Munisípiu Ermera hamutuk hodi indika total kontador ne’ebé mak responabeliza husi Autoridade Munisípiu rasik ho tidak ada kontrak antaradministrasi yang dibuat untuk penggunaan listrik.
#SalaunVIPAutoridadeMunisípiuErmera
#@MédiaAME/VII/2026@#
Ermera, 02 Jullu 2026
INTERVENSAUN SUA EXELÉNSIA PREZIDENTE AUTORIDADE MUNISÍPIU ERMERA HATETEN, Nu’udar Prezidente Autoridade Munisípiu Ermera hanesan uma-na’in iha loron importante ida-ne’e, ha’u hato’o boas-vindas ho respeitu boot ba Sua Excelência Presidente Parlamentu Nasionál, S.E. Prezidente Repúblika Demokrátika Timor Leste, S.E. Primeiru-Ministru, Excia Vise-Primeiru-Ministru, membru Governu, korpus diplomátiku, parseiru dezenvolvimentu no konvidadu onra sira hotu ne’ebé fó tempu atu marka prezensa iha Gleno, MunisÍpiu Ermera.
Ohin, Ermera sente onra boot tanba sai fatin ba lansamentu ofisiál Programa Pilotu Bolsa da MãebKondisionál ba Saúde Nutrisaun Inan no Oan – BdMK SANUTRIO. Programa ida-ne’e la’ós de’it programa sosiál; programa ida-ne’e mak investimentu nasional ba vida, saúde, nutrisaun no futuru oan Timor-Leste nian.
Iha naran povu Ermera, ha’u hato’o agradesimentu kle’an ba Sua Excelência Senhora Verónica das Dores, Ministra Solidariedade Sosiál no Inkluzaun, ba Ministériu Saúde, World Food Programme WFP, no ba ministériu, instituisaun no parseiru relevante sira hotu ne’ebé servisu hamutuk atu programa ida-ne’e bele to’o ba komunidade, liu-liu ba inan isin-rua, inan fó-susu, labarik ki’ik no família vulnerável sira.
“Sua Excelência sira, Ermera mak rai kafe, rai kultura, rai luta no rai unidade. Maibé iha tempu hanesan, ita mós,hatene katak ita nia komunidade sira seidauk livre husi dezafiu nutrisaun, saúde inan no oan, pobreza família vulnerável no asesu servisu báziku iha área rurál”.
Tuir dadus ne’ebé ita hetan, iha tinan 2020 taxa malnutrisaun kronika ka stunting iha, Ermera to’o besik 63,4%, no iha tinan 2025 tun ba 43%. Ida-ne’e hatudu progresu, maibé mós fó hanoin katak ita seidauk bele deskansa. Iha tempu hanesan, taxa malnutrisaun grave ba inan isin-rua no labarik tinan lima mai kraik ne’ebé antes besik 7%, ho esforsu Governu, parseiru Australia liu husi PHD, autoridade lokál no komunidade, konsege tun ba 3,6% iha tinan 2024-2025. Dadus hirak ne’e hatudu realidade rua: primeiru, problema seidauk hotu; segundu, bainhira Governu, parseiru, autoridade lokál no povu servisu hamutuk, mudansa pozitivu bele akontese.
“Tanba ne’e, BdMK-SANUTRIO iha Ermera tenke sai programa ida ne’ebé la’o ho koordenasaun di’ak, dadus klaru, transparénsia, monitorizasaun rigorozu no partisipasaun, komunidade. Ami iha Munisípiu Ermera kompromete atu apoia programa ida-ne’e ho seriedade, atu benefísiu bele to’o loos ba inan no oan sira ne’ebé presiza liu.”
Ami mós sei hametin koordenasaun ho postu administrativu, suku, aldeia, unidade saúde, escola, igreja, lideransa lokál, juventude no família sira, tanba nutrisaun di’ak la’ós responsabilidade ministériu ida de’it. Nutrisaun di’ak presiza família ne’ebé hatene, komunidade ne’ebé apoia, lideransa ne’ebé tau matan, no Estadu ne’ebé sempre besik povu.
“Sua Excelência sira, Lansamentu programa ida-ne’e iha Ermera fó mensajen klaru katak dezenvolvimentu nasional hahú husi família, husi inan, no husi labarik. Bainhira ita proteje inan, ita proteje nasaun. Bainhira ita haburas oan ho saúde no nutrisaun di’ak, ita harii fundamentu ba Timor-Leste ida-ne’ebé forte, produtivu no dignu iha futuru.”
Ikus liu, ha’u hato’o obrigadu barak ba lideransa nasional hotu ne’ebé fó konfiansa baMunisípiu Ermera, Obrigadu ba Sua Excelência Senhora Ministra Solidariedade Sosial no Inkluzaun ho ekipa tomak, ba Ministériu Saúde, WFP, ministériu relevante sira, parseiru dezenvolvimentu, autoridade lokál, igreja, veteranu, sosiedade sivil no komunidade Ermera tomak,Hamutuk ita bele halo BdMK-SANUTRIO sai susesu Hamutuk ita bele proteje inan, Hamutuk ita bele haburas oan.
Iha Serimónia Programa Lansamentu ofisiál Bolsa da Mãe ne’e mos hetan Partisipasaun maximu husi parte relevante sira hotu maka hanesan Sua Excelência Senhora Maria Fernanda Lay, Presidente Parlamentu Nasional da República Democrática de Timor-Leste;
Sua Excelência Senhor Dr. José Manuel Ramos-Horta, Prezidente da República Democrática de Timor-Leste; Sua Excelência Senhor Kay Rala Xanana Gusmão,Primeiru-Ministru da República Democrática de Timor-Leste no Chefe IX Governu Konstitusional, Sua Excelência Senhor Mariano Assanami Sabino Lopes, Vise-Primeiru-Ministru, Ministru Koordenadór ba Asuntu Sosiál no Ministru Dezenvolvimentu Rurál no Habitação Komunitária; Sua Excelência Senhor/a Embaixador/a no reprezentante diplomátiku sira ne’ebé marka prezensa; Sua Excelência Senhora Verónica das Dores, Ministra Solidariedade Sosiál no Inkluzaun; Suas Excelências Señoras Ministras, Senhores Ministros no Senhores Secretárius de Estado; Sua Excelências Senhores/as Presidentes Autoridade Munisipál sira,
Reprezentante World Food Programme-WFP, parseiru dezenvolvimentu no instituisaun Relevante sira, Senhores Diretores-Gerais, Diretores Nasionais, Autoridades Sivil no Militares, Sr. António Soares “Tata Mailau”, Prezidente CCLN Munisipiu Ermera, Reverendo Padre Recardino Mendonça Castro, Vigáriu Foráneu Ermera no Pároko Igreja ,Paróquia Nossa Senhora das Graças Gleno, Lideransa lokál, chefes suku, chefes aldeia, inan-aman, juventude, família ho difisiensia, sosiedade sivil, komunidade no povu Ermera tomak.
“Hamutuk ita bele harii Timor-Leste ida-ne’ebé saudável, forte, inkluzivu no la husik ema ida iha kotuk,Viva República Democrática de Timor-Leste! Viva Ermera, Viva saúde inan no oan”
#@MédiaAME/VII/2026@#
© 2026 Administration Municipality of Ermera
