a. INTRODUSAUN
Servisu Munisipal Edukasun iha Timor Leste mak servisu nebe responsavel ba hadian kualidade edukasaun no iha papel importante tebes ba dezenvolvimentu pais.
Objetivu husi SME nee rasik mak hadia kualidade edukasaun, liu husi implementasaun politika, umenta asesu ba edukasaun SME responsavel ba aumenta asesu ba edukasaun liu husi konstrusaun eskola fornesimentu rekursu edukasaun no apoio estudante sira nebe iha difikuldade, dezenvolve kapabilitas manorin/profesor sira liu husi treinamentu, formasaun no apoio tekniku, hadian infraestrutura liu husi konstrusaun no manutensaun eskola, aumenta partisipasaun komunidade liu husi programa edukasaun,no hadian sistema avaliasaun liu husi sistema avaliasaun no monitorizasaun.
a. ATIVIDADES
Atividades importante tolu (3) husi SME nebe mak sai hanesan indikadores hodi atinji metas sira mak hanesan Edukasaun Pre-Eskolar, Ensino Baziku no Ensino Rekorente.
- Edukasaun Pre-Eskolar (EPE)
Edukasaun Pre-Eskolar iha papel importante iha dezenvolvimentu ba kriansa sira liu husi dezenvolve kapabilitas sosial – akademia, emosional, interasaun ho ema seluk, dezenvolve kognitiva, no seluk tan.
- Ensinu Baziku (EB)
Papel husi edukasaun Ensinu Baziku mak prepara kriansa sira hodi dezenvolve kapabilitas fundamental liu husi leitura, eskrita no matematika. Alem de nee mos prepara sira hodi hakat ba ensinu sekundariu hodi haklean liu sira nia nia konesimentu.
- Ensinu Rekorente (ER)
Ensinu Rekorente mos iha papel importante balu hanesan aumenta oportunidade edukasaun ba ema sira nebe mak la hetan oportunidade atu asesu ba edukasaun formal, no mos hola parte iha dezenvolve konhesimentu vokasional no profisional.
- Edukasaun Pre-Eskolar (EPE)
- Formal
Estabelismentu EPE iha Munisipiu Ermera quaze kobre iha posto 6 nia laran ho total 47 (nebe mak asesu ba Merenda Eskolar ho Konsesoes Eskolar), ho numeru kanorin/alunu hamutuk 2.546, no ho total manorin 69.
- Programa Intensivo (PI)
Programa intensivo mak programa nebe liu husi politika Ministerio Edukasan lori eskola besik ba uma no komunidade, hodi nune fo oportunidade ba kik oan sira neebe mak hela ho distansia dook husi eskola atu bele aproveita asesu ba pre eskolar hodi nunee bele hakat ba sikslu dahuluk (1). Sentru PI hahu lancha iha Fulan Agosto tinan 2024 ho sentru estabelesimentu hamutuk 10 no iha 2025 estabelese 18 sentru iha suku 18 iha munisipiu Ermera nia laran ho total alunu 730 no fasilitador 36.
- Ensinu Baziku (EB)
Ensinu Baziku mak hanesan nivel edukasun ida nebe depois de Edukasaun Pre-Eskolar, kompostu husi siklu 1 (klase 1 -3), siklu 2 (klase 5-6) no siklu 3 (klase 7 – 9). Estabelesimentu EB iha munisipiu Ermera ba posto 6 hamutuk 26 EBC (publiku 22, Katolika2, Fundasaun 1, no privadu 1), ho total kanorin 36.522, no total manorin 1.352.
- Ensino Rekorente (ER)]
Ensinu Rekorerente (ER) estabelese iha Munisipiu Ermera desde tinan 2007, no kontinua lao to agora. Sentru nebe mak asesu ba ER iha postu haat (4) mak, Atsabe, Hatolia, Ermera no Railaco, ho total koordenador 4 ba sentru 4 refere no tutor/formador 3, no total formandus …… Husi sentru 4 nee, realiza ona Ezame nasional dala 2 iha tinan 2024 no 2025.
- Ensinu Sekundariu Geral (ESG) no Ensino Sekundariu Tecniku Vokasional (ESTV)
ESG-ESTV mak ensinu nebe ikus liu antes hakat ba banku universidade. Ensinu sekundariu iha Munisipiu Ermera hamutuk 16 nebe mak kompostu husi ESG 11 no ESTV 5, ho total kanorin 90 ba ESG no 61 ba ESTV.
- INFRA-ESTRUTURA
- EPE
C. ESG
d.ESTV
e. ESK
