Atividade Registo Movel SM-RNC
- Atividades Registo Movel SM-RNC
Atividade registo movel ne’e mos sai hanesan atividade principal ou xave ba Diresaun Servisu Municipal Registo Notariado e Cadastro, mak hanesan Plano diak ida iha Municipio Ermera.
Atividade ida ne’e, hanesan meios ida hodi bele fasilita komunidade sira ho maluk difisiente sira ne’ebe maka labele duni trata sira nia dokumento tamba ho kondisaun difisiente. ho problema hirak ne’e maka diresaun Registo Notariado e Cadastro hodi halo planu tun ba terreno hodi resolve situasaun hirak ne’ebe maka komunidade sira hasoru.
Fotografia 1:Hala’o atendemento ba ema Difisiente sira iha Posto Administrativo Letefoho
2. Aktividades Socializasaun SM-RNC
Hala’o aktividade sira socializasaun ba programa Registo Movel iha Posto Administrativo Railaco, Município Ermera, hodi dezaminha hela informasaun ba Xefe Suco sira ne’ebe maka pertese iha Posto Administrativo Railaco konaba Lei basika Registo Notariado e Cadastro nian ho mos rekizitus sira atu asesu ba halo dokumento importante sira hanesan Sertidaun RDTL, Bilheti de Identidade, Bom Komportamento, Sertidaun Obito, Pasaporte, ho Sertidaun Casamento husi Ministerio da Justiça nian. Hodi nune’e Xefe Suku sira mos partilha hela informasaun sira ne’e ba komunidade sira ne’ebe maka hela iha area remotas la asesu ba informasaun hirak ne’e maka husi Servisu Municipal Registo Notariado e Cadastro hodi halo planu cada trimestral hodi hakbesik ba iha autoridade lokal sira ho komunidade sira hodi rona direitamento sira nia preukupasaun ba iha atendemento publiko iha Servisu Municipal Registo Notariado e Cadastro Municipio Ermera. Iha socializasaun ne’e mos hetan apresiasaun husi Administradora Posto Administrativo Railaco ho Xefe Suku sira kona ba planu sira ne’ebe SM-RNC hala’o. Ho ida ne’e Xefe Suco rekomenda hela ba SM-RNC liga programa socializasun Registo Movel ne’e labele to deit Posto Administrativo sira tenki mos hala’o to Suco sira hodi bele rona rasik komunidade sira nia preukupasaun iha base.
Fotografia 2: Socializasaun Registo Movel ba Ema Difisiete no Idozus sira iha Posto Administrativo Railaco.
Aktividades Identifikasaun ba Propriedade Estado
Diresaun Servisu Municipal Registro Notariado e Cadastro Município Ermera liu husi Departemento Cadastro hala’o servisu iha tereino hodi identifika no foti dadus ba rai Estado nian iha Posto Administrativo Ermera, ne’ebe maka komunidade sira utiliza hela hanesan residensia, to’os no seluk-seluk tan. Iha mos oportunidade hirak ne’e maka SM-RNC hala’o iha tereino hodi bele hatene komunidade sira ne’ebe hela iha propriedade Estado, atu nune’e komunidade sira kopera ho diak hodi ekipa tekniko husi STPSC ho SM-RNC atu hala’o levantamento ba komunidade sira nia hela fatin hodi komunidade sira bele halo kontrato arendemento ho Estado tuir lei terras e proriedades nian. Ne’e maka husu komunidade sira tenki kontribui ho diak atu nune’e ekipa tekniko sira bele hala’o servisu iha tereino ho diak. Ho ida ne’e maka SM-RNC iha planu ona hodi halo servisu makas iha tereino, ho bele hata receitas ba kofre Estado.
Fotografia 3: Foti dadus ba rai Estado ne’ebe maka komunidade sira okupa hela ba residensia
Aktividades Mediasaun Disputa Rai
Iha aktividades mediasaun ne’e atu redus disputa rai ne’ebe maka a’as iha municipio Ermera, ho ida ne’e maka Servisu Municipal Registo Notariado e Cadastro liu husi Oficila Disputa de Terras regista ona kazu ba disputa rai durante tinan rua nian hamutuk 47 kazus, ho ida ne’e maka Ofisial Disputa servisu makas hodi buka meius oi-oin hodi hamenus kazu disputa rai ne’ebe maka a’as tebes iha municipio Ermera. Ho servisu hirak ne’e mos Oficial Disputa resolvido ona hamutuk 32 kazu Prosesu hela 7, pendenti hela 5, enkamina ba tribunal 3, durante tinan rua nia laran. Ho ida ne’e maka Servisu Municipal Registo Notariado e Cadastro liu husi ofisial disputa hamenus ona problema rai ne’ebe maka komunidade hasoru iha Municipio Ermera.
Fotografia 4: Mediasaun ba propriedade Disputa iha Eskritorio Servisu Municipal de Terras Propriedades e Servisu Cadastrais Municipio Ermera
Aktividades Socializasaun Propriedades Estado SM-RNC
Atividade socializasun ida- ne’e ho objetivu atu dezaminha hela informasaun ba komunidade sira ne’ebe maka okupa plantasaun kafe iha area Nunurema Aldeia Riatoni Suku Haupu Posto Administrativo Letefoho Municipio Ermera.Ho ida ne’e maka Servisu Municipal Registo Notariado e Cadastro liu husi Departemento Terras e Propriedades servisu hamutuk ho Ministerio Agrikultura, PNTL sira hodi hala’o socializasaun ba komunidade sira ne’ebe maka okupa hela propriedade Estado nian hanesan plantasaun Kafe iha Posto Administrativo Letefoho.Iha Socializasaun ne’e mos marka prezensa husi Director Geral ho nia ekipa sira Husi Ministrio Agrikultura, Komandante Esquarda Letefoho ho Membro sira, Autoridade lokal sira. Atu fo hanoin hela ba komunidade sira ne’ebe mak uza hela plantasaun Kafe atu bele kuidado ho diak hodi ministerio Agrikultura halo Investimento ba Kafetaria iha municipio Ermera hodi loke kampo de trabalho ba komunidade sira ne’ebe maka okupa hela plansaun kafe ne’e.
Fotografia 3: Breves husi Comandante Esquarda Posto Letefoho iha ambito Socializasaun
Fotografia 3: Breves husi Xefe Suco Haupu Posto Letefoho iha ambito Socilaizasaun